YOUTH FORUM
മരുന്നില്ലാത്തെ ജീവിതത്തെ പരിചയപ്പെടുത്തി യൂത്ത് ഫോറം സ്റ്റാള്‍
ജീവിത ശൈലീ രോഗങ്ങളെകുറിച്ചും അത് തടയാനുള്ള മാര്‍ഗ്ഗങ്ങളെളെകുറിച്ചും ബോധ വത്കരിക്കാന്‍ 12 ആമത് മെഡിക്കല്‍ ക്യാമ്പിനോടനുബന്ധിച്ച് "പ്രതിരോധമാണ് ചികിത്സയേക്കാള്‍ നല്ലത്- മരുന്നില്ലാത്ത ജീവിതം" എന്ന തലക്കെട്ടില്‍ യൂത്ത് ഫോറം ഒരുക്കിയ സ്റ്റാള്‍ ശ്രദ്ദേയമായി. പുതിയ കാലത്തെ മാറിയ ഭക്ഷണ ശീലങ്ങള്‍ മൂലവും പ്രവാസ ജീവിതത്തില്‍ വ്യായാമത്തിനും മറ്റു ആരോഗ്യ സംരക്ഷണ കാര്യങ്ങള്‍ക്കോ വേണ്ടത്ര ശ്രദ്ധ കൊടുക്കാത്തതിനാലും സര്‍വ്വ സാധാരണമായി ഉണ്ടാകുന്ന ജീവിത ശൈലി രോഗങ്ങളെ കുറിച്ചുള്ള പ്രദര്‍ശനം കാഴ്ചക്കാര്‍ക്ക് അറിവു പകര്‍ന്നു നല്‍കുന്നതായി. പൊണ്ണത്തടി, ക്യാന്‍സര്‍, കിഡ്നി രോഗങ്ങള്‍, മാനസിക സമ്മര്‍ദ്ധം,രക്ത സമ്മര്‍ദ്ദം , ഹ്രുദ്രോഗം, പ്രമേഹം, മൂലക്കുരു, തുടങ്ങിയ ഒട്ടേറെ രോഗങ്ങളെ കുറിച്ചുള്ള വിശദമായ പ്രദര്‍ശനമാണ് നടന്നത്. സ്റ്റാള്‍ സന്ദര്‍ശിച്ച ആയിരത്തിലധികം പേരില്‍ അമിത ഭാരമുണ്ടെന്ന് കണ്ടെത്തിയ 500 പേര്‍ക്ക് ഫിസിയോ തെറാപ്പിസ്റ്റുകളും ഡയറ്റീഷ്യന്‍സുമടങ്ങിയ വിദ്ഗ്ദ സംഘം സൌജന്യ ബോഡി ചെക്കപ്പും കൌണ്‍സിലിങ്ങും നല്‍കി. ചെക്കപ്പിനും കൌണ്‍സിലിങ്ങിനും വിധേയമായ ഭൂരിഭാഗം പേരും ഭക്ഷണത്തിലെ അച്ചടക്കമില്ലായ്മയിലൂടെ രോഗികളായവരായിരുന്നു. പ്രവാസികളില്‍ നല്ലൊരു ശതമാനം പേരും ജീവിത ശൈലീ രോഗങ്ങളാല്‍ ബുദ്ധിമുട്ടുന്നവരാണ്. രോഗത്തെ കുറിച്ചുള്ള അജ്ഞത സ്ഥിതി വഷളാക്കുന്നു എന്ന തിരിച്ചറിവിലാണ്, യൂത്ത് ഫോറം ഇത്തരമൊരു ബോധവത്കരനത്തിനു മുന്‍ കയ്യെടുത്തത്. ഇന്ത്യന്‍ അംബാസഡര്‍ സഞ്ചീവ് അറോറ, ഉരീദു ഡയറക്റര്‍ ഫാത്തിമ അല്‍ ഖുവാരി തുടങ്ങിയ പ്രമുഖര്‍ സ്റ്റാള്‍ സന്ദര്‍ശിച്ചു.
യൂത്ത് ഫോറം ഹിലാല്‍ മേഖല യുവജന സംഗമം മെയ് 24ന്.
"ഞങ്ങള്‍ യുവാക്കളാണ്" എന്ന പ്രമേയത്തില്‍ യൂത്ത് ഫോറം ഹിലാല്‍ മേഖല യുവജന സംഗമം സംഘടിപ്പിക്കുന്നു. മെയ് 24 വെള്ളിയാഴ്ച നടക്കുന്ന സംഗമത്തിന്റെ പ്രഖ്യാപനം മേഖല പ്രവര്‍ത്തക സംഗമത്തില്‍ യൂത്ത് ഫോറം പ്രസിഡണ്ട് സാജിദ് റഹ്മാന്‍ നിര്‍വ്വഹിച്ചു. സമൂഹത്തോടുള്ള ബാധ്യത ഏറ്റെടുത്ത് നിറവേറ്റാന്‍ ഞങ്ങള്‍ തയ്യാറാണെന്ന് ഉറക്കെ പറയുകയാണ്, ഞങ്ങള്‍ യുവാക്കാളാണ്, എന്ന പ്രഖ്യാപനത്തിലൂടെ ഉദ്ദേശിക്കുന്നതെന്നും അത് പറയാനുള്ള ആര്‍ജവം കാണിക്കേണ്ടത് കാലഘട്ടത്തിന്റെ ആവശ്യമാണെന്നും സാജിദ് റഹ്മാന്‍ പറഞ്ഞു. സൌഹ്രുദം ഇഷ്ടപ്പെടുന്നവനാണ് യുവാവ്, യുവത്വം സൌന്ദര്യവും കരുത്തുമാണ്. വീണു കിടക്കുന്നവന്, കൈത്താങ്ങാകേണ്ടവനും അനീതിക്കെതിരെ പോരാടേണ്ടവനുമാണവന്‍, ഒരു തികഞ്ഞ യുവാവിനു വേണ്ട ഗുണങ്ങള്‍ ആര്‍ജ്ജിച്ചവര്‍ക്കേ "ഞങ്ങള്‍ യുവാക്കളാണെന്നു പ്രഖ്യാപിക്കാന്‍ കഴിയൂ.അതിനുള്ള ആത്മ വിശ്വാസം യൂത്ത് ഫോറത്തിനുണ്ടെന്നും യൂത്ത് ഫോറം സി.ഇ.സി മെമ്പര്‍ കെ.ടി. മുബാറക് സമ്മേളന പ്രമേയം വിശദീകരിച്ചു കൊണ്ട് പറഞ്ഞു. വൈവിധ്യമാര്‍ന്ന പരിപാടികളിലൂടെ യുവാക്കളെ സമൂഹ നന്മക്കായി ഉണര്‍ത്തുകയാണ് യുവജന സംഗമം കൊണ്ട് ലക്ഷ്യമാക്കുന്നതെന്ന് പരിപാടിയില്‍ അദ്ധ്യകഷത വഹിച്ച യൂത്ത് ഫോറം ഹിലാല്‍ മേഖല പ്രസിഡണ്ട് ബിലാല്‍ ഹരിപ്പാട് പറഞ്ഞു. അബൂ അയ്മന്‍ സ്വാഗതവും അനസ് ഗാനവുമാലപിച്ചു.
സ്റ്റുഡന്‍സ്‌ ഇന്ത്യ ബുക്ക്‌ ബാങ്ക് പ്രവര്‍ത്തനമാരംഭിച്ചു
ദോഹ: ഉപയോഗിച്ച സ്കൂള്‍ പാഠപുസ്തകങ്ങള്‍ ശേഖരിച്ചു ആവശ്യക്കാര്‍ക്ക്‌ വിതരണം ചെയ്യുന്നതിനു വേണ്ടി സ്റ്റുഡന്‍സ്‌ ഇന്ത്യ ബൂക്ബാങ്ക് പ്രവര്‍ത്തനമാരംഭിച്ചു. ബുക്ക്‌ ബാങ്ക് പുസ്തകങ്ങളുടെ വിതരണോത്ഘാടണം യൂത്ത് ഫോറം പ്രസിഡന്റ് സാജിദ് രഹമാന്‍ നിര്‍വഹിച്ചു. വിദ്യാര്‍ത്ഥി പ്രതിനിധികള്‍ പുസ്തകങ്ങള്‍ ഏറ്റുവാങ്ങി.. യൂത്ത്ഫോരം വിദ്യാര്‍ഥി വിഭാഗമായ സ്റ്റുഡന്‍സ്‌ ഇന്ത്യയുടെ പ്രവര്‍ത്തകരാണ് പുതിയ അധ്യായാന വര്ഷത്തോടനുബന്ധിച്ച് പുസ്തകങ്ങള്‍ ശേഖരിച്ച് വിദ്യാര്‍ത്ഥികള്‍ക്ക്‌ എത്തിക്കുവാനുള്ള സംവിധാനവുമായി രംഗത്ത്‌ വന്നിട്ടുള്ളത്. ഇന്ത്യന്‍ സ്കൂളിലെ വിവിധ ക്ലാസുകളിലേക്കുള്ള പാഠപുസ്തകങ്ങള്‍ ആവശ്യമുള്ളവര്‍ക്ക്‌ ഹിലാലിലെ യൂത്ത് ഫോറം ഓഫീസില്‍ ലഭ്യമാണ്. പാഠപുസ്തകങ്ങളുടെ വില വര്‍ദ്ദിച്ച സാഹചര്യത്ത്തില്‍ പുസ്തകങ്ങള്‍ക്ക് ആവശ്യാക്കാര്‍ ഏറെയാണെന്നും ഇതിനകം നൂറിലധികം വിദ്യാര്‍ഥികള്‍ ഈ സേവനം ഉപയോഗപ്പെടുത്തിയതായും സ്റ്റുഡന്‍സ്‌ ഇന്ത്യ ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് 77521811, 66515200 എന്നീ നമ്പരുകളില്‍ ബന്ദപ്പെടാവുന്നതാണ്.
Academia
