ചരിത്രം രചിക്കാന്‍ കര്‍മ്മനിരതരാകുക - പ്രസിഡണ്ട്.

യൂത്ത് ഫോറം പ്രസിഡണ്ട് സാജിദ് റഹ്മാന്‍ വിവിധ വകുപ്പ് അദ്ധ്യക്ഷന്മാരെ അഭിസംബോധന ചെയ്യുന്നു.

                         ഖത്തറിലെ പ്രവാസിയുവാക്കളുടെ ഇടയിലേക്ക് ചരിത്ര ദൌത്യവുമായി ഇറങ്ങിത്തിരിക്കാനുള്ള യൂത്ത് ഫോറത്തിന്റെ പ്രഖ്യാപന സമ്മേളനത്തിന്റെ പൂര്‍ണ്ണതക്കു വേണ്ടി കൈമെയ് മറന്ന അദ്ധ്വാനിക്കാന്‍ യൂത്ത് ഫോറം പ്രസിഡണ്ട് സാജിദ് റഹ്മാന്‍ പറഞ്ഞു. വെള്ളിയാഴ്ച യൂത്ത് ഫോറത്തില്‍ വെച്ചു നടന്ന പ്രഖ്യാപന സമ്മേളനത്തിന്റെ വിജയകരമായ നടത്തിപ്പിന്നായി രൂപീകരിച്ച വിവിധ വകുപ്പുകളുടെ അധ്യക്ഷന്മാരുടെ പ്രഥമയോഗത്തില്‍ സംസാരിക്കുകയായിരുന്നു അദ്ദേഹം. നമ്മുടെ കഠിനാധ്വാനം കൊണ്ടു മാത്രമേ ഉദ്ദേശിച്ച ലക്ഷ്യത്തില്‍ എത്താനാകൂ അതിനു കഴിവുള്ള ഒരു യുവനിരയാണ് യൂത്ത് ഫോറത്തിനുള്ളതെന്നും അദ്ദേഹം പറഞ്ഞു.

                          സമ്മേളന കണ്‍വീനര്‍ ഫിറോസ് കോതമംഗലം സമ്മേളനത്തിന്റെ നടത്തിപ്പിനെ കുറിച്ചു വിശദീകരിച്ചു. ജൂണ്‍ 15 ന്  നടക്കുന്ന സമ്മേളനത്തില്‍ രണ്ടായിരം യുവാക്കളായ പ്രതിനിധികളും പൊതുസമ്മേളനത്തില്‍ മുവ്വായിരം പേരും പങ്കെടുക്കും . സമ്മേളനത്തിന്റെ ഭാഗമായി യൂത്ത് ഫോറം പത്രികയും യൂത്ത് ഫോറത്തിന്റെ നയങ്ങള്‍ വ്യക്തമാക്കുന്ന തീം സോങ്ങും പുറത്തിറക്കുമെന്നും കണ്‍വീനര്‍ പറഞ്ഞു. തുടര്‍ന്ന് വിവിധ വകുപ്പുകളെ കുറിച്ച ചര്‍ച്ചയും അവലോകനവും നടന്നു.