YOUTH FORUM
പെരുന്നാൾ നിറവിൽ യൂത്ത് ഫോറം 'ഈദ് മൽഹാർ'
ദോഹ: ബലിപെരുന്നാള്‍ രാവില്‍ കുട്ടികള്‍ക്കും കുടുംബങ്ങള്‍ക്കും ഒന്നിചിരുന്ന്‍ ആഘോഷിക്കാന്‍ ആസ്വാദ്യകരവും ഉല്ലാസകരവുമായ അവസരമാക്കി യൂത്ത് ഫോറം ഖത്തർ 'ഈദ് മൽഹാർ' ഒരുക്കി. തട്ടുപൊളിപ്പന് പ്രകടനങ്ങള്‍ അരങ്ങ്തകര്‍ക്കുന്ന പ്രവാസ ജീവിതത്തിനിടയില്‍ ബലി പെരുന്നാള്‍ നിറവിനെ കലയുടെ ഉത്സവമാക്കി 'ഈദ് മൽഹാറില്‍' അവതരിപ്പിച്ച പരിപാടികലോരോന്നും ശ്രദ്ധേയമായി. ആഘോഷ വേളകളില്‍ പോലും ബന്ധങ്ങള്‍ സോഷ്യല്‍ നെറ്റ്വര്‍ക്കിലെ വര്ച്ച്വല്‍ ലോകത്ത്‌ ഒതുക്കുന്ന പുതിയ കാലത്ത്‌ കൂടിച്ചേരലിന്റെയും മാനസീകൊല്ലാസത്തിന്റെയും യഥാര്‍ത്ഥ ലോകത്തേക്ക് കൂട്ടി കൊണ്ട് പോകുന്ന ഒത്ത്തുകൂടലിനും വേദിയായി 'ഈദ് മൽഹാർ'. മലര്‍വാടി ബാലസംഗം അരങ്ങിലെത്തിച്ച വെല്‍കം ഡാന്‍സ്‌ പെരുന്നാളിന് ഓര്‍മയുടെ നിറവുചാര്ത്തി. പുതിയ ഇശലുകളില്‍ കോര്‍ത്ത്‌ കുരുന്നുകളുടെ ഒപ്പന മാപ്പിളകലയുടെ ഇമ്പമാര്‍ന്ന അവതരണമായി. സ്റ്റുടന്‍സ് ഇന്ത്യയുടെയും യൂത്ത് ഫോറത്തിന്റെയും പ്രവര്‍ത്തകര്‍ അവതരിപ്പിച്ച സ്കിറ്റ്, കലാ പ്രസംഗം, ഒരുമ വടകരയുടെ കോല്‍ക്കളി തുടങ്ങി വിവിധ കലാ പരിപാടികള്‍ 'ഈദ് മൽഹാറിന് കലയുടെ വര്‍ണ്ണപ്പകിട്ടേകി. ഏഷ്യാനെറ്റ്‌ മൈലാഞ്ചി ഫേയിം റിയാസ്‌ കരിയാട്‌ നയിച്ച ഗാനമേള സദസ്സിന് പെരുന്നാള്‍ ഉത്സവപ്രതീതി സമ്മാനിച്ചു. യൂത്ത് ഫോറം പ്രസിഡണ്ട്‌ സാജിദ് റഹ്മാന്‍ ഈദ് സന്ദേശം നല്‍കി. ഖത്തറിന്റെ വിവിധ ഭാഗങ്ങളില്‍ നിന്നായി 1500 ഓളം പേര്‍ പരിപാടികള്‍ വീക്ഷിക്കാനെത്തി. പ്രോഗ്രാം കോ-ഓഡിനേറ്റര്‍ അഹമ്മദ് ഷാഫി, ഫൈനാന്സ് കൺ വീനർ അബ്ദുൾ ഗഫൂർ പേരാമ്പ്ര യൂത്ത് ഫോറം ജനറൽ സെക്രട്ടറി മുഹമ്മദ് റാഫി, സെക്രട്ടറി ഇദ് രീസ്‌ ഷാഫി എന്നിവർ നേതൃത്വം നല്‍കി. ജനകീയ സഹകരണത്തോടെ രൂപപ്പെടുന്ന പദ്ധതിയാണ് 'സൺറൈസ് കൊച്ചി'. പി. ഐ. നൗഷാദ്
പശ്ചിമ കൊച്ചിയിൽ ജീവിക്കുന്ന എല്ലാ ജനവിഭാഗങ്ങളും പദ്ധതിയുടെ ഗുണഭോക്താക്കളാകുമെന്നും ജനങ്ങളുടെ സഹകരണത്തൊടെ പാർപ്പിടം, വിദ്ദ്യാഭ്യാസം, കുടിവെള്ളം, തൊഴിൽ തുടങ്ങി എല്ലാ മേഖലകളും ഉൾകൊള്ളുന്ന ബഹുമുഖ പദ്ധതിയാണ് സൺറൈസ് കൊച്ചി യാഥാർത്ഥ്യമാകുന്നതൊടെ നടപ്പിൽ വരികയെന്നും അദ്ദേഹം പറഞ്ഞു. പശ്ചിമ കൊച്ചി വികസനത്തിനു വേണ്ടി കൊച്ചിനിവാസികളും ജില്ലാ പ്രതിനിധികളും ഖത്തറിലെ പ്രമുഖരുംഉൾകൊള്ളുന്ന കമ്മിറ്റി ഉടൻ വിളിച്ച് ചേർക്കുമെന്ന് ഭാരവാഹികൾ അറിയിച്ചു. പരിപാടിയിൽ 'സൺറൈസ് കൊച്ചി' ഡൊക്യുമെന്ററി പ്രദർശിപ്പിച്ചു. താജ് ആലുവ അദ്ദ്യക്ഷത വഹിച്ച പരിപാടിയിൽ യൂത്ത് ഫോറം പ്രസിഡന്റ് സാജിദ് റഹ്മാൻ സ്വാഗതവും കെ.കെ. നാസർ നന്ദിയും പറഞ്ഞു
യൂത്ത് ഫോറം 'ഈദ് മൽഹാർ' ഒരുക്കങ്ങൾ പൂർത്തിയായി
പെരുന്നാൾ ദിനത്തിൽ യൂത്ത് ഫോറം ഈദ് മൽഹാർ ഒരുക്കുന്നു.
ദോഹ: ബലിപെരുന്നാളിനോടനുബന്ദിച്ച് യൂത്ത് ഫോറം ഖത്തർ 'ഈദ് മൽഹാർ' എന്ന പേരിൽ കലാ പരിപാടികളെരുക്കുന്നു. ബലിപെരുന്നാൾ ദിവസം ഓക്ടോബർ 26ന് വൈകീട്ട് 6ന് ബർവ്വ വില്ലേജിലുള്ള ശാന്തിനികേതൻ ഇന്ത്യന് സ്കൂളിലാണ് പരിപാടി. ബലി പെരുന്നാൾ ആഘോഷവേളയിൽ സമൂഹത്തെ സന്തോഷിപ്പിക്കുകയും മൂല്യവത്തായ കലയിലൂടെ മാനസീകോല്ലാസത്തിന്ന് അവസരമൊരുക്കുകയുമാണ് പരിപാടിയിലൂടെ ലക്ഷ്യമിടുന്നത്. കുട്ടികൾക്കും കുടുംബത്തിന്നും ഒന്നിച്ചിരുന്ന് കാണാവുന്ന ഒപ്പന, കൊൽക്കളി, നാടകം, ഗാനമേള തുടങ്ങി വിവിധ പരിപാടികൾ ഒരുക്കിയിട്ടുണ്ട്. ദോഹയിലുള്ള പ്രമുഖരായ കലാകാരന്മാരും, ഗായകരും പങ്കെടുക്കുമെന്നു ഭാരവാഹികൾ അറിയിച്ചു.
എയര്‍ ഇന്ത്യ പ്രവാസി നിന്ദ അവസാനിപ്പിക്കണം
ദോഹ: പ്രവാസികളെ ഇന്ത്യന് പൌരന്മാരായി അംഗീകരിച്ചു കൊണ്ട് നിരന്തരമായി തുടരുന്ന പ്രവാസിനിന്ദ അവസാനിപ്പിക്കാൻ സര്ക്കാര്‍ നടപടിയെടുക്കണമെന്ന് സോളിഡാരിറ്റി യൂത്ത് മൂവ്മെന്റ് കേരള-യൂത്ത് ഫോറം ഖത്തർ സംയുക്ത പ്രസ്താവനയിൽ ആവശ്യപ്പെട്ടു. പ്രവാസികൾ ഇന്ത്യൻ പൗരന്മാരുടെ അവകാശങ്ങൾ ലഭിക്കേണ്ട സമൂഹമാണെന്ന് ബന്ദപ്പെട്ടവർ തിരിച്ചറിയുന്നത് നന്നായിരിക്കുമെന്നും എല്ലാ പ്രവാസികളും തുടർച്ചയായി ബഹിഷ്കരിക്കാൻ തീരുമാനിച്ചാൽ എയർ ഇന്ത്യ പൂട്ടേണ്ടിവരുമെന്നും പ്രസ്താവനയിൽ അറിയിച്ചു. കേരള വരുമാനത്തെ നിലനിർത്തുന്ന പ്രവാസി സമൂഹത്തോട് ചെയ്യുന്ന കടുത്ത അവഹേളനമാണ് ഇപ്പോൾ നടന്നു കൊണ്ടിരിക്കുന്നത്. അനവസരത്തിൽ അസമയത്തും വിവിധങ്ങളായ എയർപോർട്ടിൽ ഇറക്കി യാത്രക്കാരെ വലക്കൽ നിരന്തരമായി ആവർത്തിച്ചുകൊണ്ടിരിക്കുന്ന എയർ ഇന്ത്യയുടെ നടപടി ഇനിയും തുടരാൻ അനുവദിക്കാനാകില്ല. നിരന്തരമായി ആവർത്തിക്കുമ്പോഴും പരിഹരിക്കാനാവുന്നില്ലെന്നത് സർക്കാർ അനാസ്തയായിട്ടാണ് മനസ്സിലാക്കേണ്ടത്. വിളപ്പിൽ ശാലയിലെ 3000 ആളുകളോട് സർക്കാർ കാണിക്കുന്ന സന്നദ്ധത പോലും 33 ലക്ഷം വരുന്ന പ്രവാസിസമൂഹത്തോട് കാണിക്കുന്നില്ലെന്നത് ഖേദകരമാണ്. പ്രവാസി രോഷം അണപോട്ടിയൊഴുകിയാൽ കേരളം സ്തംഭിപ്പിക്കാനാകുമെന്ന വസ്തുത സർക്കാർ തിരിച്ചറിയണമെന്നും പ്രസ്താവനയിൽ അറിയിച്ചു. എയര്‍ ഇന്ത്യ പ്രശ്നം പരിഹരിക്കാതെ മുന്നോട്ട് പോവുകയാണെങ്കിൽ പ്രവാസി നിന്ദക്കും ചൂഷണത്തിനുമെതിരെ സോളിഡാരിറ്റി യൂത്ത് മൂവ്മെന്റ് --യൂത്ത് ഫോറം സംയുക്തമായി നാട്ടിൽ പ്രക്ഷോഭം സംഘടിപ്പിക്കുമെന്നും അറിയിച്ചു. ഹ്രസ്വ സന്ദർശനാർത്ഥം ദോഹയിലെത്തിയ സോളിഡാരിറ്റി സംസ്ഥാന പ്രസിഡന്റ് പി.ഐ.നൗഷാദ്, യൂത്ത് ഫോറം പ്രസിഡന്റ് സാജിദ് റഹമാൻ, യൂത്ത് ഫോറം സെക്രട്ടേറിയേറ്റ് അംഗങ്ങൾ എന്നിവർ പ്രസ്ഥാവനയിൽ ഒപ്പ് വെച്ചു.
മാറ്റി വച്ചിരിക്കുന്നു.
ഒക്ടോബര്‍ 18 വെള്ളിയാഴ്ച നടക്കേണ്ടിയിരുന്ന ഇന്റര്‍ സ്കൂള്‍ ഖുര്‍ആന്‍ കോംപറ്റീഷന്‍ ചില സാങ്കേതിക കാരണങ്ങളാല്‍ മാറ്റിവച്ചിരിക്കുന്നു. പുതുക്കിയ തീയതി പിന്നീട് അറിയിക്കും
നാഗരീഗതകളുടെ മാറ്റത്തില്‍ വിദ്യാര്‍ത്ഥികള്‍ പങ്കളിയാകണം: മുഹമ്മദ് അസ്ഹറുദ്ദീന്‍
പുതു നൂറ്റാണ്ട്‌ മാനവികതയുടെതാണ്. മനുഷ്യന്‍ വിവര വിപ്ലവത്തില്‍ നിന്നും മാനവീക വിപ്ലവത്തിലെക്കാണ് സഞ്ചരിക്കുന്നത്. സാധാരണക്കാരായ മനുഷ്യരാണ് ഇന്ന് വിപ്ലവത്തിന് നേതൃത്വം നല്‍കി സമൂഹത്തെ മാറ്റത്തിലേക്ക്‌ നയിക്കുന്നത്. സോഷ്യല്‍ മീഡിയ സാധാരണക്കാരനു നല്കിയ പവര്‍ സമൂഹത്തിനു ഗുണകരമായിട്ടുണ്ട്. അദ്ദേഹം പറഞ്ഞു. കാരഷിക വിപ്ലവം ആയിരം വര്‍ഷവും വ്യവസായിക വിപ്ലവം നൂറു വര്‍ഷവും ഐ.ടി.വിപ്ലവം പത്ത്‌ വര്‍ഷവു വേഗതയിലാണ് പൂര്‍ത്തിയായത്. എന്നാല്‍ മാനവിക വിപ്ലവം അതിനേക്കാള്‍ കുറഞ്ഞ വേഗതയില്‍ ലോകത്ത്‌ നടപ്പിലാവുമെന്നും അദ്ദേഹം അഭിപ്രായപ്പെട്ടു.
വിദ്യാര്‍ഥികള്‍ വിവരങ്ങള്‍ ശേഖരിക്കുന്നവരയി ചുരുങ്ങരുത്‌. അറിവും അനുഭവങ്ങളും ചേര്‍ത്ത് വിദ്യാഭ്യാസത്തെ മനുഷ്യനും അവന്റെ ചുറ്റുപാടിനും ഉപകാരപ്രദമാക്കണം. സാമ്രാജ്യത്വവും മുതലാളിത്തവും പരാജയപ്പെട്ടിടത്ത് ഇസ്‌ലാം പരിഹാരമായി ലോകം സ്വീകരിക്കുന്നുവെന്നും പുതു ലോക ക്രമത്തില്‍ വിദ്യാര്‍ത്ഥികള്‍ക്ക്‌ അനല്പ്പമായ് പന്കാണ് നിര്‍വഹിക്കാനുള്ളത്‌. അതിനായ്‌ കണ്ണും കാതും തുറന്നുവെക്കണമെന്നും അദ്ദേഹം പറഞ്ഞു. യൂത്ത്ഫോറം പ്രസിഡന്റ് സാജിദ് റഹ്മാന്‍ അദ്ദ്യക്ഷത വഹിച്ച പരിപാടിയില്‍ അത്തീഖ്‌ു റഹ്മാന്‍ (ബാന്ഗ്ലൂര്‍), മുഹമ്മദ് നാസിറുദ്ദീന്‍ (ഇന്ത്യന് ഇസ്‌ലാമിക് യുത്ത് സര്‍ക്കിള്‍ പ്രസിഡന്റ്) എന്നിവര്‍ പങ്കെടുത്തു. സ്റ്റുഡന്‍സ് ഇന്ത്യ പ്രസിഡന്റ് ഷഹീന്‍ സ്വാഗതം പറഞ്ഞു.
